أنور الحمداني في رسالة الى السيد السوداني: أن المجلس الاعلى للشباب لا يكتمل دون تطوير الصناعة والزراعة
وجه الإعلامي الأشهر في العراق أنور الحمداني في برنامجه الشهير ستوديو التاسعة الذي يعرض يوميا من على شاشة قناة الفلوجة الفضائية رسالة الى السيد رئيس مجلس الوزراء العراقي الأستاذ محمد شياع السوداني .
وهذا نص الرسالة :
ورسالتنا تتزامن بخطوه اقدم عليها الاخ السيد رئيس مجلس الوزراء بتاسيس المجلس الاعلى للشباب برئاسته هو وتم توصيف هذه الخطوه ، بان هناك اهميه قصوى للاهتمام بالشباب وبالتالي شكلنا هذا المجلس الاعلى والذي سيرأسه الاخ السوداني بنفسه .رسالتنا من ستوديو التاسعة ان هذه الخطوه الكبيره التي نبارك اطلاقها لا تكتمل الا بمجالس عليا اخرى للزراعة، للصناعه ، للقطاع الخاص ولغيرها . ليش؟ لأنه شنو الفايده اهتم بالشباب ولا اجد لهم فرصه عمل؟ شلون اقدر اهتم بالشباب وما عندي صناعة؟ و 65% من سكان الشعب العراقي شباب غير قادرين على العمل؟ عطالة بطالة والاف المصانع مغلقة منذ الاحتلال الغاشم في2003 الى اليوم ؟ شلون اقدر انمي طاقه الشباب واحنا ما عندنا زراعه وكل شيء نستورد حتى الطماطمة بمليار دولار ذاك اليوم دكتور شامال اعلنها بالبرنامج قال مليار دولار باحدى السنوات استوردنا طماطه من ايران . كيف اهتم بالشباب وما عنده زراعه على الفكره لما احكي عن الشباب لا يعني الرجال فقط يعني الذكور ، وانما احكي من الجنسين اناث وذكور . لما نقول عندنا 65% من سكان شعبنا شباب يعني اناث وذكور قادرون على العمل لكن معطلين ما عندهم عمل كيف اسوي بلد متقدم وانا ما عندي استثمار ما عندي قطاع خاص فالذي يهتم بالشباب يجب ان يهتم بالزراعه ويهتم بالصناعه ويهتم بالقطاع الخاص ويهتم بالتربيه والتعليم. كيف يكون عندي معدلات فوق ال 100 بنماذج ضحكت عليه المؤسسات التربويه بالعالم وخاصه بالشرق الاوسط فوق ال 100 والامتحان من 100 ؟ مو منطقي يفترض نعتمد على المختصين ونقول يابا نسوي نسبه وتناسب انا ما يصير اطلع فوق الميه هذا لحد الاعلى 100 فعندما نعمل نسبة وتناسب حتى لا اعطي الخمس درجات فيصبح 105 واكرموه بخمس درجات ويصير معدله 110 والخاطرنا درجتين 112 المنطق هذه الدرجات يسوي لها نسبه وتناسب على معدل الطالب على ان لا تزيد على 100% وانشتاين ترى استخدم 5% من عقله فاحنا مو منطقيه نجي نقول واحد الا نكبر عقلك ، نكبر عقلك بالمعلومات والتربية الصحيحة . رجاءا اخي السوداني خلي ايضا، تحسب الك في عهدك كرئيس مجلس وزراء ان تؤسس مجالس عليا للزراعه والصناعه والقطاع الخاص ولغيرها وأرأسها انت ايضا ولكن مو كلام على الورق انما خطوات تنفيذيه تشرف عليها علىبنفسك . الوقت ترى يا اخي يعني صار لنا 20 سنه نسمع كلام على الورق .20سنة اي رئيس وزراء يجينا يحملنا هموم العراق بس على الورق. يعني كمواطنين ظهرنا انحنا من كثر الورق اللي محطوط على ظهرنا من مشاكل لكن نريد واحد يحلهن نريد واحد يصنح تغيير حقيقي وبذاك الوقت نقول له عفارم عليك .بارك الله بيك كلنا وياك
لمشاهدة المزيد اضغط الرابط:
